Sisak IV-p annaassiniarnera iluatsippoq
Sisimiuni kitaata sikui avalassimariarmata imaatigut angallanneq ingerlanneqaqqilersoq umiatsiaararsortut ilaannut arfininngormat kingunerlungajaavippoq.
Angut 40-t missannik ukiulik Sarfannguani ilaquttaminut tallimanngormat unnukkut arfineq-pingasut missarigaa sianersimavoq Sisimiuniit aallalernerarluni, nalunaaquttallu akunneri marlussuit qaangiunnerini apuutissangalluni.
Angulli unnua’qeqqariitsiartoq suli tikinngimmat ilaqutaasut maqaasineqartoq pillugu poliliinut saaffiginnipput.
Ujaasineq Aasiaat Radioagut marluk qaangilaaraa nalunaarutigineqarpoq, angulli VHF radiukkut aqquteqarsimanngilaq.
Politiit angallataat ’Sisak IV’ sisamanut qiteqquttoq ujaasiartorluni aallarpoq, nalunaaquttallu akunneri marlussuit qaangiuttut angut umiatsiaaraalu ullaakkut arfinernut aallalaaraa ’Utoqqarni’ Sisimiut Sarfannguillu akornanniittumi nassaarineqarlutik.
- Umiatsiaaqqap motooria kissattoorluni aserortoorsimavoq, angulli ajorani. Inuttaa politiit angallataannut ikeriarlugu umiatsiaaraa kalusiullugut Sarfannguanut apuunneqarput, Johan Davidsen Sisimiunit nalunaarpoq.
