Sisak Diesel pinngitsuutitaavoq
Ilulissani eqqartuussiviup suliffeqarfik taanna 110.000 koruuninik akiliisussanngorlugu siorna eqqartuukkaluarpaa. Isumaqaramik angallatinik qaqitsinissamut singitsinissamullu Sisak Diesel-ip inissisimaffini atornerlussimagaa.
Sisak Diesel akiligassiissutit procentiinik aalajangersimasunik piumasaqartarsimanerarlugu, imaluunniit kivitsissut krani Ilulissaniittoq atorneqaraangat akiligassiisarsimasutut, taamani eqqartuunneqarpoq, naak Sisak Diesel-ip iluarsaassineq suliarisanngikkaluaraa.
Ilulissat eqqartuussiviata aalajangigaa Sisak Diesel-ip Nunatta Eqqartuussivianut suliareqqitassanngortippaa, tassanngaanniilli suliassaq Qaasuitsup Eqqartuussivianut utertinneqarpoq, Ilulissat Eqqartuussivianni naliliinermi pipallatoqarsimasoq isumaqartoqarmat.
Suliaq Nunatta Eqqartuussiviani maanna naammassineqarpoq, tassani eqqartuussinissamut uppernarsaatissanik pisariaqartitanik peqartoqannginnera peqqutigineqarluni.