Sulisartut soraarnerussutisiaqalernissamut aningaasaateqarfiata, SISA-p, aningaasaliissutai iluatsilluarsimapput.
Taamaattumik soraarnerussutisiassatut katersat ukioq manna 6 procentimik erniaqartinneqassapput, taama iluarisimaarinneqaluni ilisimatitsivoq aningaasaateqarfiup siulersuisuini siulittaasoq Jess G. Berthelsen,.
- SISA ukiuni makkunani ineriartorluarpoq aamma SISAp aningaasaliissutini iluanaarutigilluarsimavai, siulittaasoq oqarpoq.
6 procentimik erniaqartitsineq siornatut iinnarpoq, taamaattorli erniat aningaasanngorlugit 2005-imitut amerlatiginngillat.
Siorna erniatigut isertitat 68 million koruuniupput ukioq mannalu novembarimi taakkua affaannai anguneqarput – tassa 34 million koruuniugamik.
Inuit 29.000-it sinneqartut SISA-mi soraarnerussutisiassaminnik katersipput.