Siriusikkut qimusseqqileqaat
januaarip 19-at 2007 13:53
Tunup avannaarsuani nunamik eqqissisimatitaasumik nakkutilliisut Siriusikkut upernaakkut qimussimik nakkutilliinissaminnut aqagu januaarip 20-ianiit aallartittussamut piareersaleruttorput, aallariaannanngorluinnarlutillumi, Danmarkimi illersornissaqarfik taama nalunaarpoq.
Siriusikkut upernaaru qimussersussat arfiniliussapput, nakkutilliiffissartillu sineriassuaq 18.000 kilometerisut isorartussusilik, qaammatini sisamani tulliuttuni ingerlaaffigissavaat.
