Siriusermiut alaangajavipput

Issittumi Sakkutooqarfimmit nutaarsiassaq kingulleq taama nipaqarpoq.

- Tusakkavut naapertorlugit, aput sisoormat qimmit saarliit arfineq-pingasut eqqorneqarput, sisamat tunorliit, alapernaarsuisullu marluk, eqqunngisungaannarlugit, Issittumi Sakkutooqarfimmi piareersimasoq, Frank Thorsen, aviisimut BT-mut oqarpoq.

- Qanorpiaq pisoqarsimanersoq ullumi aatsaat paasissavarput, iluatsitsisimaqisullu oqarsinnaavugut, Frank Thorsen oqarpoq, uppernarsarlugulu aput sisoorujussuarsimagaluartoq alapernaarsuisut nikalloqqajanngitsut.

Maanna Station Nordimiipput. Daneborgimullu ullumi timmisartuunneqassapput. Taava angerlaanneqassanersut takussavarput, imaluunniit ikiuukkiartortunik ornigutsitsissanerluta paasinarsiumaarpoq.

Ajutoorneq tallimanngormat pivoq, qamutit ujarasussuit akornisigut aqqutikkut nerukitsukkoortillutik ikkuttoormata. Kaanngartinniarnerini aputingaatsiarujussuaq sisoorpoq, qimmillu arfineq-pingasut matoorussaapput, ingerlaannarlu toqullutik.

- Alapernaarsuinissarput soorunami taamaatiinnartariaqassavarput. Tassa ajutoorfimmi tamarmi alapernaarsuisinnaajunnaarpugut, Frank Thorsen oqarpoq.

Station Nordip kimmut sineriaani 550 kilometerit missaannik ungasitsigisumi, WulffLandimi, ajutoorneq pivoq.