Sioqqutsillutik taasisut amerlassangatinneqarput

Qinersinissaq oqaluuseriuarparput. TV-kkut takujuarpaa, tamaanilu najugaqarnini nuannarilluinnarpaa. Lola Loffip ilaqutaasa ilaat taama oqarpoq, arnap 97-inik ukiullip Milwalkee-mi qinersinissaminut piareersarnerani. USA-mi naalagaaffinni 31-usuni qinersineq sioqqullugu taasiartornissaq ajornanngilaq, tamannalu ukioq-manna atorluarneqaqaaq iluarisimaarneqarlunilu. Paasisimannilluartut naatsorsuutigaat amerlanerpaat ulloq qinersivik utaqqinagu qinersereersimassasut. Qinersisartorpassuit qinersiartoreertarput, sivisuumik utaqqinissartik pinngitsoorniarlugu. Pingaartumik Barack Obamap qinersisartut qinersiartujaaqqullugit kajumissaarsimavai. Obamamimmi tapersersuisut naatsorsuutigaat, inuit qinersiaarpata Obama ajugaassasoq, inuusuttorpassuimmi qernertumillu amillit ullormi qinersivimmi takkunneq ajorput. Qinersiartujaartarnerli ataatsimik akornuteqarpoq. 97-inimmi ukiulik, Lola Loff, qinersiartujaaraluarluni sivisuumik utaqqisariaqarpoq, arnarmi utoqqaq taanna issiavimmi kaassuartakkamiippoq. Tamannali merserinngilluaasarpaa. Ullaarmi qinerserusuppoq, taamaammat makiaartariaqarsimavugut, 97-inik ukiullip ilaqutai unnersiorput.