Siniffik kialaartoq sinilluarnarneruvoq
Tuluit Nunaanni sulinngiffeqarnernut atatillugu angalatitseqatigiit Holiday Inn, akunnittarfinni unnuisitsisarnerminnut atatillugu, akunnittarfinni unnuiniartunut immikkut ittumik neqerooruteqarnialerput, matumani neqeroorutigineqarluni akunnittarfimmi unnuiniartut siniffissaat, sulisumit kissasserneqarnissaat.
Akunnittarfimmi unnuiniartunut kialaartumik tungeqarusuttunut, akunnittarfimmi sulisoq atallaanik kavaajaasatut fleecitut mersukkanik atiseriarluni siniffinnik kialaartitsisassaaq.
Isumassarsiaq Edinburgimi sinik pillugu ilisimatusarfimmi pisortamit ajoriinnagassaanngitsutut nalilerneqarpoq.
- Siniffik kissalaartoq 20 imaluunniit 24 gradinik kissassusilik uernalerfigissallugu pitsaalluinnartuuvoq, siniffilli nillertoq sinissaarunnermik kinguneqarsinnaalluni, sinik pillugu ilisimatusarfimmi pisortaq Chris Idzikowski oqarpoq.
