Simon Lynge tuluit nuannaraat

CD saqqummersitaa tuluttut taaguuteqartoq The Future, siunissaq, tuluit nunaanni nipilersukkat tuniniaasarfianni iTunes-imi tunineqarnerpaani normu 14iuvoq.

Simon Lyngep CD saqqummersitaa sapaatip akunnerata siuliani tunisai nipilersortartut allat tusaamasat Usher aamma Alicia Keyes-ip CD-it tunisaannit amerlanerupput.

Qarasiaasiakkut nittartakkami Amazon-imik taaguuteqartumi Simon Lyngep CD saqqummersitaa tunisaanerpaavoq.

Simon Lyngep CD-iliaata nuannarineqarnera Tuluit Nunaanni tusagassiorfinni soqutigineqarpoq. Radiukkut aallakaatitsisarfimmi BBC-imi Simon Lynge pulaartorineqarpoq, apersorneqarluni nipilersukkaminillu tusarnaartitsilluni.

Tuluit Nunaanni aviisit annersaasa ilaanni The Sunday Times-imi Simon Lynge allaaserineqarpoq.

Nunaqarfimmi peroriartornermini misigisani oqaluttuarivai, ilaatigut oqaluttuarluni, meeraagallarami ikinngutiginerpaasai tassaasut savat.

17-inik ukioqarluni tuttumik pisaqaqqaarnini oqaluttuaraa, aammalu Kalaallit Nunaanni kulturikkut allanngoriartorneq qanoq misigisimanerlugu oqaluttuaralugu.

Simon Lynge Londonimi North London Tavern-imi unnugu tusarnaartitsissaaq.