Simon Lynge danskit nersornaasiuttagaannut innersuunneqartoq
Kalaaleq erinarsortartoq tusaamaneqarluartoq, Simon Lynge qallunaat nipilersornermik nersornaasiuttagaannut Gaffa-prisimik taaneqartartumik atugassiami GAFFA-imi innersuunneqarpoq.
Allattoq Anton Gundersen Lihn
februaarip 08-at 2017 08:14
Nutserisoq Bikki P. Kleist
The Map of your Life 2016-imeersoq aallaavigalugu, Simon Lynge pop-imik nipilersornermik qallunaat nersornaasiuttagaannut innersuunneqarpoq.
- Saqqummersitara The Map of your Life aallaavigalugu innersuunneqarnera assut tulluusimaarutigaara, Simon Lynge facebookimini ilaatigut taama allappoq.
Nive and The Deer Children album Feet Firstimut aamma innersuunneqartunut ilaavoq.
GAFFAimi atuartartut innersuunneqartunut aalajangeeqataassapput, GAFFAllu nittartagaanni februaarip 27-ata tungaanut taasisoqarsinnaavoq, martsillu aqqarnganni nersornaasiisoqassalluni.
Nipilersortartut katillugit 50-it innersuunneqarput, taakkunani ilaallutik: Christopher, Rasmus Walter aamma Scarlet Pleasure.
