Simon Emil Amnitzbøll nutaamik partiiliorpoq

Folketingimi ilaasortaq alla, konservativit partiianni ilaasortaasimasoq Pia Christmas Møller partiimik nutaamik aallartitsiniarnermi suleqataaniarluni akuersisimavoq. Tamannalu ullumi Ritzaumut ilumuunnginnerarpaa, oqarluni nammineq partiimik pilersitsinissamik ilaasortaanissamilluunniit pilersaaruteqarani.

Partiimik nutaamik pilersitsinissaq aqagu marlunngornermi tusagassiortunik katersortitsinermi pisortatigoortumik saqqummiunneqassaaq.

Tusagassiorfiit ullaaq manna allaaserisaat aallaavigalugit partii nutaaq Simon Amnitzbøllip pilersinniagaa ateqassaaq, Borgerligt Centrum.

Simon Amnitzbøll siorna oktoberip ulluisa 13-anni partiimi radikale venstremi ilaasortaajunnaarnini nalunaarutigaa. Margrethe Vestager Radikal Venstreni siulittaasuusoq piffissami sivisuumi iluarinngisimaareerlugu.

Margrethe Vestager partiini Radikale Venstre ilisimateqqaarnagu, siornaak ukioq 2007-imi folketingimut qineqqusaartoqarnernermini Socialdemokratit siulittaasuat Helle Thorning-Schmidt statsministerinngornissaanik tapersersuisimanera iluarinagu Radikal Venstrenit Simon Amnitzbøll ilaasortaajunnaarpoq.