Silarsuup aserornissaanut piffissaq suli sivisoqaaq

NASA-mmi qaammataasaataanit Keplerimit paasissutissat atorlugit seqineq qaqugu piuneerutissanersoq, taamaalillunilu Nunarsuaq ulloq suna aserussanersoq, ilisimatuut Århus Universitetianeersut qulakkeerlugu oqaatigisinnaanngorpaat!

Uippallertariaqanngilasili. Tamatumami pinissaanut piffissaq suli sivisoqaaq. Århusip Universitetiani ilisimatooq, Kjeld Hansen taama eqqissisaavoq.

- Nunarsuaq seqinermut ukiut 6 milliardit qaangiuppata aatsaat pulassaaq, taava inuunerput naassaaq, tamanna ilisimareerparput.

NASA-p qaammataasaa Kepler atorlugu silarsuup qaqugu aserornissaa ilisimatuut misissorsinnaasimavaat.

Nunarsuaq ukiut 6 milliardit qaangiuppata aserorpat qanoq pisoqassanersoq qaammataasap Keplerip uuttortaaneri atorlugit immaqa aamma paasineqarsinnaavoq, Kjeld Hansen oqarpoq.

- Kepler atorlugu paasissutissat atorlugit ullorissamik angalasumik qanittutsinniittumik, silarsuuup aserornissaa qanillippat nunarsuarmiut nuuffigisinnaasaannik, immaqa nassaartoqarsinnaavoq... tassa ukiut 6 milliardit qaangiuppata.

Tamannalu paasillugu eqqissiallannarpoq.