Silap pissusiata allanngoriartornera Alaskami nunaqarfinnut akisusinnaasoq
Silap pissusiata allanngoriartornerani Alaskami nunaqarfiit illoqarfiillu sineriammiittut pinngortitap neriuinera pissutigalugu sissaarutissapput taamaalillunilu imaq illunut anngussinnaalerluni.
Inuppiaat illoqarfianni Uqqiavimmi 2-3 meterisut portutigisumik assiaqusiaqarpoq, taanna Chukchip imartaata illoqarfimmut qarsutsisinnaaneranut illersuutaavoq. Taassumalu tunuaniippoq ujararujussuaq kujataanit assartorneqartariaqarsimasoq.
Assiaqut sananeqanngikkallarmat nunaqarfimmut illut qassiiusut aserortereernikuusimasut, nunaqarfiillu allat aqqaneq-marluk anorersuarnissaanit immamillu ulorianartorsiortut, Uqqiavimmi nunaqarfiup siulittaasuata, Forrest Olemannip KNR-imut nassuiaatigaa.
Nunaqarfiit taakku nuussorneqarnissaat pisariaqassasoq Olemannip oqaatigaa. Ilaat immaqa 200-300 meterinik portunerusumiissilerlugit nunaqarfiilli ilaat tamavimmik nuutsinneqartariaqassagunarput.
Ajornartorsiutaanerpaasorli aana, nuutsitsinermi kina akiliissava. Nunaqarfiup tamarmi nuutsinneqarnissaa nutaamillu sumiiffimmi allami sanaartoqqinnissaq milliardit koruuninik naleqarsinnaavoq.
Amerikami qitiusumik naalakkersuisut Washingtonimiittut imaluunniit illoqarfimmi naalakkersuisut akiliisuussappat?
Tamanna piffissami aggersumi isumaqatigiinniutigineqassaaq, tamannalu silap pissusiata allanngoriartornerani pinngortitamit neriuineqarnerata nalaani pissaaq.
Aap, silap pissusiata allanngoriartornera akisoorujussuusinnaavoq.