Silap pissusianut Ilisimatusarfik 40 millioni koruuninik aningasaliiffigineqarpoq
Folketingimi aningaasanut inatsisip akuersissutigineqarneranut atatillugu atugarissaarnermut isumaqatigiissutip ilaatut Kalaallit Nunaanni Silap Pissusianut Ilisimatusarfimmut Folketingi 40 millioni koruuninik aningaasaliissuteqarpoq aviisi Sermitsiaq nittartakkamini taamatut allaaserisaqarpoq. Kalaallit Nunaanni silap pissusianik ilisimatusarfissap ingerlateqqinneqarnissaanut Folketingip ukioq 2011-mut 20 millioni koruunit 2012-imullu aamma 20 millioni koruunit immikkoortippai. Ilisimatusarfik ilisimatusakkat assigiinngitsut ilisimatusarfigivaat Issittumilu silap pissusianut naleqqussarneq sammisaralugu.
Ilisimatusarfik ukioq manna maajip aallaqqaataani ammarpoq. Ilisimatusarfimmi pisortaavoq professor marinbiologilu Søren Rysgaard.
Ilisimatusarfik Pinngortitaleriffimmut Nuummiittumut attuumassuteqarpoq. Ilisimatusarfiup issittumi nunani silap pissusianik ilisimasat katersorpai tamaanilu silap pissusiata allanngoriartornerata kinguneqaatai sammisaralugit.
