Silap Pissusianik Ilisimatusarfik ilisarnaatitaarpoq
Ilisimatusarfiup ilisarnaatitaavanut Silap Pissusianik Ilisimatusarfimmi Pinngortitaleriffimmilu sulisut isumassarsisuupput.
Allattoq Bikki P. Kleist
decembarip 03-at 2009 13:15
Ilisarnaat tassaavoq: Sermersuaq (qaqortoq qaarajuttoq) iluliap tunuatungaaniittoq. Pingasunik teqeqqulik saavatungaaniittorlu tassaavoq iluliaq imaluunniit sermeq iigartartoq sermersuulluunniit siunissami ilusaasinnaanera.
Ilisarnaammi aamma takuneqarsinnaavoq, Kalaallit Nunaat saneraanit isigalugu tungujortumik qaqqalik qaavatigullu sermersuartalik.
Qaarajuttoq tungujortoq alleq tassaavoq imarnersaq sikumi. Ilisarnaatitaallu Kalaallit Nunaata erfalasuanut aamma eqqaanartoqartoq, Pinngortitaleriffik allappoq.
