Folketingimut qinersineq 2015 Silap pissusaata allanngoriartornera qineqqusaarnermi amigaataasoq

Kalaallit Nunaat silap pissusaata allanngoriartorneranut siunissami immikkut eqqugaasussaagaluaq, folketingimut qinersinissamut tunngatillugu partiit qineqqusaarutaat sammisamut tunngatillugu sunnguamilluunniit allassimasoqanngilaq.

Pingaarnersiuineq apeqqutaasoq IA-mit demokraatiniillu oqaatigineqarpoq.

Ilisimatuut sila pillugu siulittuutaat ima nipaqarput: Siunissami sila kissakkiartussaaq, sermeq uukkartartut aakkiartussapput, sikulu annikillilluni - Kalaallit nunaanni innuttaasunut uumasunut pinngortitamullu eqquisuusussaallutik. Tamanna Naalakkersuisut silap pissusaanut naleqqussaanermut nalunaarusiaata taama allassimasoqarpoq.

Ukiunilu 70-ni kingullerni silap kissatsikkiartornera malunniutereerpoq.

Illoqqortoormiut isigigaanni, maanna ilimagineqartarpoq sikup aakkiartuaarnerata kingunerigaa nannut illoqarfiup iluani nerisassarsiortut takussaanerulernerat. Kalaallit Nunaata kangiani ukiuni kingullerni sikuusarnera 1990-kkunniiit procentinik quliniit 15-nit tungaanut annikillieriarnera Pinngortitaleriffiup uuttortaaneranit takutinneqarpoq.

 

Qineqqusaarutini amigaataasut

Issittumi siku aakkiartorpoq - taamaakkaluartoq silap pissusaanut ajornartorsiutinut tunngasunut folketingimut partiit tamarmiusut qineqqusaarutai qiviaraanni nassaassaqanngilaq.

Qulequttat anguniakkani allassimasut pingaarnerutinneqartut tassaapput, folketingimi oqaatsit atorneqartut, tunngaviusumik inatsit nutaaq aammalu folketingimi ataatsimiitsitaliani ataavartumik issianissat.

Partiinilu issittumik minguitsumik suliniuteqarniartut qaninnerpaat tassaapput Inuit Ataqatigiit.

Partiip qineqqusaarutaani allassimannginnera pingaarnersiunermut tunngasuusoq Múte Bourup Egede nassuiaavoq:

- Qineqqusaarutini ersariffaarinnginnera ima aallaaveqarpoq, anguniakkat pingaarnerit qineqqusaarutini naatsuni saqqummiussani erserissarneqarmata. Kisianni taassuma saniatigut silamik tunngasunik ilanngussinnginneq isumaqanngilaq, taamatut suliaqarnianngitsugut, Múte Bourup Egede oqarpoq.

 

Pitsaanerusinnaanerarput

Taassuma nassuerutigaa parteertik allaanerusumik pingaarnersiusinnaagaluartoq. Taamaakkaluartoq isumaqanngilaq folketingimut isertitaqassagunik isumaqatigiinniarnerni imassaaleqissasut, taassuma naqissuserpaa:

- Silap pissusaanut taavalu avatangiisinut tunngasunut politikkimi sulinermi peqataanissarput taanna siunnerfigivarput. Peqataaffigerusupparput nukissiutinut ataavartut inerisartuarnissaanut iliuuseqaqataanissaq. Peqataaffigerusupparput pilersaarusiorfigissallugu mingutsitsinerup massakkut annertussusaata appariartuaartinnissaanut suleqataanissaq, Múte Bourup Egede taama oqarpoq. Erseqqissumillu qanoq suliniuteqassanerlutik taassuma oqaatigaa.

 

Aaqqiissuteqarfigineqareernerarpaat

Demokraatiniit sammisap inissisimaner pingaarnersiuinermut tunngassuteqartoq, qineqqusaartoq Rasmus Dalsgaard oqarpoq.

Taassuma eqqaavaa silap pissusianut tunngasunut apeqqutit isumaqatigiinniutigineqarneri pineqartillugit Kalaallit Nunaat isumaqatigiinniaqataasarnissaa Kalaallit Nunaata Danmarkillu aaqqiissuteqarfigereeraat. Taassuma erngup nukingata avammut tunisassiarineqalernissaa sulissutiginiarpaa.

Partiit qineqqusaartut allat, Atassut, Siumut aamma Partii Naleraq aaqqissuisoqarfimmi piffissaliussap killinga sioqqullugu oqaaseqartinniaraluaratsigit iluatsinngilarput.

 

Isummersuutit

inatsisartut-sal-sep2019.jpg

Inatsisartut Ukiakkut Ataatsimiinnerat



Nutaarsiassaateqarpit?

Nutaarsiassaateqarpit?

1717-imut SMS-erit, UNNIA allariarlugu kingornalu oqaluttuat allallugu.

Immersuivik atorlugu allaffigitigut knr.gl/1717

Emailikkulluunniit 1717@knr.gl

KNR TV: TekstTV-mi paasissutissat

TTV q 110 Ullut tamaasa nutaarsiassat

TTV q 400 Timmisartuutinissat
aallartussat tikitussallu

TTV q 300 Tv-kkut aallakaatitassat
tulleriiarnerat

TTV q 300 radiukkut allakaatitassat
tulleriiarnerat