Silap pissusaata allanngoriartornera pillugu Katuami isumasioqatigiittoqassaaq

Kalaallit Nunaat silap pissusaata allanngoriartorneranut qanoq sillimaniarsinnaava? Kalaallit Nunaata Kulturikkut Illorsuani, Katuami, isumasioqatigiinnissaq, ullumi aallartittussaq taama qulequtaqarpoq.
oktobarip 23-at 2007 05:29

Inuussutissarsiorfiit, Kalaallit Nunaanni Kommunit Kattuffiat, Nunap Inuiisa Suliniaqatigiiffii aamma Namminersornerullutik Oqartussat isumasioqatigiinnermi peqataatitaqassapput. Silap pissusaata allanngoriartorneranut Kalaallit Nunaata periusissaanik Naalakkersuisunut peqataasut tunngavissiinissaat siunertaavoq.

Isumasioqatigiinneq sammisanut marlunnut tunngatinneqassaaq:

- Silap pissusaata allanngoriartorneranut Kalaallit Nunaanni qanoq tulluarsassaagut – aamma Kyotomi isumaqatigiissummi CO2-mik mingutsitsinerup annikillisarnissaanik siunertamut pisussaaffeqarnerput qanoq ilillugu naammassiniassavarput?

Isumasioqatigiinnissami aaqqissuussisuuvoq Avatangiisinut Pinngortitamullu Pisortaqarfik, naatsorsuutigineqarporlu 80-it missaanni peqataasoqassasoq.

Aamma atuaruk

Politiit ullormut nalunaarusiaat: Tillinniartoqarlunilu tillinniariaraluartoqarpoq