Silap pissusaata allanngoriartornera ilumoorullugu tiguneqarnersoq sapaatip akunnerata tulliata naalernerani paasissavarput
Silap pissusaata allanngoriartornera pillugu Naalagaaffiit Peqatigiit Balimi ataatsimeersuarnerat sapaatip akunnerata tulliata naalernerani naammassippat, paasissavarput silap pissusaata allanngoriartorneranik akiuiniarnissaq ilumoorullugu tiguneqarnersoq, imaluunniit naami.
decembarip 09-at 2007 17:10
Avatangiisit pillugit nunarsuaq tamakkerlugu suliniaqatigiiffiit Balimi politikkikkut aalajangiisartut kajumissaarpaat, takoqqullugu, silaannaap kissatsikkiartorneranik akiuiniarneq nunarsuaq tamakkerlugu iliuuseqarfigineqartariaqartoq.
USA-mi præsidentimut sinniisussaasimasoq, Al Gore, Balimut sapaatip akunnerata tulliata aallartilaarnerani aamma tikittussaavoq. Naalagaaffiit Peqatigiit qullersaat Ban Ki-Moon nunallu 190-it ataatsimeersuaqataasut ministerii politikeriilu aamma Balimukartussaapput.
Kalaallit Nunaanniit peqataavoq Avatangiisinut Peqqinnissamullu naalakkersuisoq, Arkalo Abelsen.
