Silap pissusaanut iliuuseqarusussuseq neriulluarfigineqalerpoq
Naalagaaffiit Peqatigiit silap pissusaanut allaffeqarfiata, nunat Københavnimi silap pissusaa pillugu decembarimi ataatsimeersuarnerup kingornagut, silap pissusaanut atatillugu anguniagaqarusuttut allattorsimaffiat saqqummiutereeraalu.
- Qaammammi ataatsimi nalorninartorsioreerluta maanna paasinarsivoq, silap pissusaata allanngoriartorneranut nunat tamalaat, Københavnimi isumaqatigiissut atorlugu kingunissalimmik iliuuseqarusuttut, Amerikami avatangiisit pillugit isumalioqatigiinneersoq Jennifer Morgan nutaarsiassaqartitsivimmut Reutersimut taama oqarpoq.
Nunat 55-it silap pissusaanut tunngatillugu iliuuseqarnissamik anguniagaqartut, nunarsuatsinni CO2-mik mingutsitsinerup 78 procentianik mingutsitsisuupput. Ilaatigut USa siullermeerluni nunat tamalaat isumaqatigiissutaannut ilaavoq, nunarsuatsinni CO2-mik mingutsitsinerpaaffiup Kinap Kyotomi isumaqatigiissutip avataaniinnissani aalajangiusimareeraalu.
Nalunaajaatip taperserneratitgut, silap pissusaata allanngoriartornerata akiornissaa taperserparput, taama oqarpoq amerikamiut isumaqatigiinniartuisa ittuat, Todd Stern, nunallu allat FN-p ataaniittut aamma nalunaajaammik tapersiinissaat innersuussutigalugu, naak piffissarititaasoe qaangiutereeraluartoq.
Københavnimi silap pissusaata ataatsimeersuassutigineqarnera kingorna, maanna sila oqallisigineqarpianngilaq.
