Silap pissusaa pillugu kommissærertaassagunarput

EU kommissioni aappaagumiit silap pissusaa pillugu immikkut kommissærimik atorfinititsissagunartoq, Bruxelles-imi nutaarsiassaqartitsiviit ilaata allaaseraa.
Allattoq Louise M. Kleemann
aggustip 15-at 2008 07:38

Silap pissusaa pillugu kommissæritut atorfinittussap isumagisassarissavaa politikkimut tunngasut katersortarnissaat, tassami ullumikkut EU-p iluani kommissærit arlalippassuit tamakku isumagisarpaat.

- Silap allanngoriartornera pillugu politikki aammalu avatangiisit pillugit politikki assigiinngissuteqarput. Silap pissusaa pineqaraangat unammillernermut apeqqutit pineqartarput, avatangiisillu pineqaraangata CO2 pineqartarluni, taama EU-mi atorfilittat ilaat nutaarsiassaqartitsivimmut ENDS-imut oqarpoq.

Silap pissusaa pillugu kommissærit siuttussaatut aappaagu atorfinitsinneqartussap aalajangertussaavaa silap pissusaa pillugu immikkut kommissæritut ilumut atorfinititsisoqassanersoq. Oqaatigineqarporlu Grækeri avatangiisit pillugit kommissæritut atorfilik Stavros Dimas atorfimmut tassunga soqutiginnittoq.

Silap allanngoriartornera pillugu FN-imi siuttut 2009-mi Københavnimi ataatsimeersuassapput.

Aamma atuaruk

Politiit ullormut nalunaarusiaat: Tillinniartoqarlunilu tillinniariaraluartoqarpoq