Silap pissusaa pillugu isumaqatiginniarnissamut suleqatigiissitaq ikiuutaassaaq

Naalagaaffiit naalakkersuisullu siuttui nunanit tamaneersut Københavnimi Kastrupimiit tallimanngorpat aallassapput, nunaminnut angerlassallutik. Nassatassaat imaannaanngitsoq tassaavoq sila pillugu isumaqatigiissut, silap pissusaata allanngoriartornerata akiorniarneqarnissaa nunat katillugit 193-it pisusaaffigiligassaat.
decembarip 15-at 2009 07:46

Oqallinnerli, Københavnimi Bella Centerimi pisoq, maanna unittooqqavorlusooq - tassami nunat piumassuseqanngitsutut immata.

Taamaammat ataatsimeersuarnermi siulittaasoq, Connie Hedegaard, suleqatigiissitaliorpoq, nunanit siuarsagassaneersunit aamam nunanit pisuuneersunit, ilaasortalimmik, isumaqatigiinniarnerit angusaqarfiulluarneqarnissaat anguniarlugu.

Piffissarli sivikitsuaraavoq, Danmarkimiillu isumaqatigiinniaqataasut maanan ilungersunartorsiorput.

- Kinguaattoqaqisugut qularutissaanngilaq, kisianni ilungersorpugut, Danmarkimiit isumaqatigiinniartut aallartitaasa ilaat nutaarsiassaqartitsivimmit Ritzauimit issuarneqarpoq.

Naalagaaffiit naalakkersuisullu oqartussaasui siulliit Københavnimut tikereerput, siuttullu 115-it ulluni tulliuttuni isumaqatigiinniassapput.

Aamma atuaruk

Politiit ullormut nalunaarusiaat: Tillinniartoqarlunilu tillinniariaraluartoqarpoq