Silap pissusaa pillugu Anders Fogh ataatsimiikkasuaqqusivoq
Siunnersuut nunarsuarmi nunat siuarsimanerpaat siuttuisa Schweizimi illoqarfimmi Davosimi Aningaqarneq pillugu ataatsimeeqatigiinneranni saqqummiuppaa.
Avatangiisit pillugit suliniuteqartoq Al Gore Foghip peqatigalugu, Nunat tamalaat sila pillugu Københavnimi decembarimi ataatsimeersualerpata isumaqatigiissusiornissamut oqalliseqataanissamut aggersarneqarsimapput. Nunat CO2-mik aniatitaqarnerpaat isumaqatigiinniaqataanissaat Foghip aamma pingaartuunerarpaa, taama oqarnermigut eqqarsaatigigunarpaa amerikamiut præsidentitaavat Barack Obama, taassumami neriorsuutigereerpaa mingutsitsinerup nunarsuarmi annikillisarnissaanut suleqataarusunnini.
Al Gore oqarsimaneragaavoq, nunarsuarmi sila pillugu nutaamik isumaqatigiissusiornissamut USA-p peqataanissaa piffissanngortoq, kingusinaannginnermi.
- Københavni ataatsimeersuarfiusut ilagiliinnassanngippassuk ukioq manna atsioqatigiittoqartariaqarpoq, Gore erseqqissaavoq.