Silap pissusaa ballonimiit misissoraanni pitsaaneruvoq
Silap kiatsikkiartornera assigiinngitsutigut misissorneqarsinnaavoq, ilisimatoorli Frankrigimeersoq naapertorlugu balloniminngaanniit misissuinissaq pissusissamisoornerpaagaluarpoq.
Allattoq Elisa Isaksen
- Umiarsuarniit misissuinernut sanilliutissagaanni ballonimit misissuinerit sukumiinerusut ingerlanneqarsinnaapput, silaannarmit takusassat annertunerusarmata, ilisimatooq Frankrigimeersoq Jean-Louis Etienne oqarpoq.
Taanna Norgemit Spitsbergenimit Alaskap avannamut sineriaata tungaanut Prudhoe Bay-imut ballonimik aappaagu apriilip qaammataani aallartittussamik ingerlaassamaarpoq, misissuissamaarlunilu.
Balloni Ruslandimi maanna sananeqaleruttorpoq, 50 meterit sinnerlugit takissuseqarpoq, 15 meterinillu silissuseqarluni.