Silap allanngornera Alaskami Wainwrightimi maluginiarneqarpoq

Alaskap avannaarpiarsuani illoqarfimmi Wainwrightimi innuttaasut, Qalasersuarmut qanittumiittut silap allanngoriartornera malugilerpaat.

Sikuiuitsumi immap sikua aakkiartorpoq, uumasullu tamaani sikumiittut sikup sinaava sinerissamiit ullormiit ullormut ungasilliartuinnartoq malittarisariaqarpaat. Alaskap avannaarpiarsuani piniartut tamatuma kingunerisaanik aamma avasinnerusumi piniartariaqartalersimapput.

Sikup sinaava sinerissamiit sømilinik 30-t missaannik ungasissuseqarsimagaluartoq, ima illuarsimatigaaq, sikup sinerissallu akorngat ullumikkut annertoorujussuanngorsimalluni. Aviisimi Anchorage Daily Newsimi qanittukkut allaaserineqarpoq, sikup sinaava sinerissamiit 300 sømilit missaannik illuarsimasoq.

Siku sinerissamut ukiukkut atasaraluartoq juunimi ukiuni kingullerni aattortalersimavoq, Wainwrightimilu piniartut aarrit hornorujut missaat pisarisinnaasaraluarpaat, ikinnerujussuilli pisarisariaqarlugit.

Wainwrightimi piniartut VHF aqqutigalugu qanittukkut tusarpaat illoqarfimmik sissaani aarrit 20-t missaat takuneqarsimasut.

- Ilimagaara sikumik qaqiffissaqannginnamik sissamut pisimasut, aavermik imaaniittumik aatsaavissuaq pisaqarpunga, Wainwrightimi piniartut ilaat aviisimut Anchorage Daily Newssimut oqarpoq.

Tony Fishbachip U.S. Geological Surveymeersup ilisimatitsissutigaa sikup sinaava aarrit qimassimagaat. Immap naqqa sikup sinaavata ataaniittoq aavernut nerisassarsiorfigissallugu itivallaaqaaq, Tony Fishbach oqarpoq.