Silap allanngoriartornera upperiuminaatsippaat

Silap pissusaa pillugu ataatsimeersuarnissami decembarimi pisussami inerniliunneqartussaq pissangassutigineqarluni utaqqineqaleruttortoq, silap pissusaata allanngoriartornera amerikamiunit suli upperiuminaatsinneqarpoq.Nunarsuatta kiatsissimanera pillugu uppernarsaatissanik peqartoqanngitsoq amerikamiut 40 procentii isumaqarput.
oktobarip 23-at 2009 06:35

Avatangiisitta mingutsinneqarneranik aallaaveqartumik nunarsuup kiatsikkiartornera amerikamiut amerligaluttuinnartut ukiut pingasut qaanngiuttut ingerlaneranni upperiunnaatsikkaat, isumasiuisitsisarfiup, Pure Research Centerip isumasiuinerata kingulliup tamanna takutippaa.

Nunarsuup kiatsinnera ilisimatuussutsikkut uppernarsaatissaqartinneqartoq amerikamiut 57 procentiinnaasa upperigaat oqaatigineqarpoq. Nunarsuup kiatsikkiartornera amerikamiut amerlanersaasa upperigaat siusinnersukkut misissuinerit takutissimagaluarpaat, maannali nalornissutigineqaleriartuinnarluni.

Obamap naalakkersuisuisa USA-milu inatsisartut gassinik silaannarmik kissakkiartortitsisartunik aniatitsineq ukioq manna aqutarilerpaat. Gassinillu silaannarmik kissakkiartortitsisartunik aniatsitsinerup appartinneqarnissaa, apersorneqartut affaasa tapersersorpaat. Taamaakkaluartoq nunarsuup kissatsikkiartorneranik oqartarneq siusinnerusumut sanilliullugu amerikamiut ikiliartuinnartut upperaat.

Aamma atuaruk

Politiit ullormut nalunaarusiaat: Tillinniartoqarlunilu tillinniariaraluartoqarpoq