Silap allanngoriartornera sillimaffigisariaqarsoraat

Anorersuit, siornatigut nalaattakkanit sakkortunerit, panernersuit, inuit nunaminnit qimarrattut nunarsuarmilu tamarni nappaatit tunilaassuutilersussat, sakkutuut isumannaallisaaniaqatigiivisa siunissami suliassaasa ilagaat, taamaammallu maannangaaq sillimaniarfigisariaqarnerarpaat.

Silap pissusaata allanngornerata kingunerisaanik, nunani tamalaani naalakkersuisut uppisitaasinnaapput, peqqarniisaarniarneq annerulissalluni nunarsuullu ilaani allanngujuissuseq suujunnaartinneqarsinnaavoq.

Assersuutigalugu Afrikami inoqajuitsorsuup Saharap kujataa, Kangia Qiterleq, aamma Aasiap Kujataa aamma Aasiap Kujataata-kangia ukiuni tullerni 20-30-ni allanngorujussuarfiusinnaapput.

Innuttaasut kaannersuarnit, imissaaleqinernit ilaatigullu qarsutsinersuarnit eqqugaasinnaapput, tamannalu USA-p sillimaffigisariaqaraa misissuisut oqaatigaat.

Nunarsuarmi isumannaallisaanissamut atatillugu maannamut oqaluuserineqartartut tassaanerupput, nukissiuutinut avatangiisinik innarliinnginnerusunut ikaarsaariartornissaq aamma CO2-p gassillu silaannarmik kissakkiartortitsisartut aniatinneqartut millisarnissaat.