Silap allanngoriartornera pillugu ilisimatusarfiup Nuummi inissisimanissaa naalakkersuisunit ilisimatuunillu piumasarineqarpoq. Taama oqarpoq ilisimatusarneq pillugu naalakkersuisoq Tommy Marø:
Uagutsinnut pingaarnerpaaq tassaavoq Kalaallit Nunaanni Danmark-imilu naalakkersuisut, ingammillu, uanga Helge Sander-illu alloriaqqinnisamut sakkussatsinnik suleqatigiissitaq qulaajaasussaammat, Tommy Marø oqarpoq. ” Silap allanngoriartornera pillugu ilisimatusarfissap sumi inissisimanissaa, illutassaalu qulaajarneqartariaqaramik, taamaattumik suleqatigiissitaq piumaffigisimavarput piaartumik sulissasoq uagutsinnullu saqqummiullugu,” Tommy Marø oqarpoq. Uagutsinnit ilisimatuunillu kissaatigineqarpoq, maannakkut pioreersut eqqarsaatigalugit, Pinngortitaleriffiup Ilisimatusarfiullu akunneranni Silap Allanngoriartornera Pillugu Ilisimatusarfissaq ingerlanneqassaaq, inuusuttut ilisimatusartut pitsaasumik sakkussittussaagatsigit
Taama oqarpoq Ilisimatusarneq pillugu naalakkersuisoq Tommy Marø.