Silamiut qiiaamminartumik isiginnaartitsissusiorput
Isiginnaartitsisartoqatigiit Silamiut aningaasatigut ajornartorsiornerat pissutaalluni nalliuttorsiornermut atatillugu isiginnaartitsissusiaat aliortukkersaarutaassaaq.
Allattoq Louise M. Kleemann
Isiginnaartitsisartoqatigiit Silamiut ukiormanna ukiunik 25-inngortorsiortorsiorput. Nalliuttorsiornermut atatillugu isiginnaartitsissusiaq jappa qaqqarmioq Holbergip isiginnaartitsissusiaa isiginnaartitsissutigissallugu pilersaarutaasimagaluarpoq. Aningaasanilli amigaateqarneq pissutaalluni pilersaarut annertooq unitsinneqarpoq, taarsiullugulu quilertanartumik qiiaamminartumillu isiginnaartitsissusiorput. Ersinartumik isiginnaartitsissusiaq pingasunngornermi apriilip aallaqqaataani kulturikkut illorsuarmi Katuami siullermeerlugu isiginnaartitsissutigineqassaaq.