Tunu: Silamik rekordileeqqittoqartoq
Ittoqqortoormiit septembarimi oktobarimilu aatsaat taama siallertigisimavoq, tassani 351,7 millimeterinik siallerpoq, tamannalu ukiumi ataatsimi siallertarneratulli illuni.
AAMMA ATUARUK Ittoqqortoormiini pisarnermit siallernerusoq
Tunu maanna rekordileeqqippoq. Danmarks Meteorologiske Institut nittartakkami taama allappoq.
- Ittoqqortoormiit septembarimi aatsaat taama kiatsigivoq. DMI sumiiffimmi tassani maanna kiassutsimut nakkutilliissuteqarpoq. 2017-imi septembarip qaammataani kiassuseq nalinginnaasoq qaangerlugu +2,0 °C-imik kiatsigivoq. Kiassuseq nalinginnaasoq piffissami 1981-imit 2010-mut uuttortarneqarsimasuuvoq, DMI allappoq.
Oktobarip qaammataani aamma kiappoq, agguaqatigiissillugu kisiassuseq nalinginnaasoq qaangerlugu, tamatumanili siorna oktobarimi kiassuseq qaanginngilaa.
Aatsaalli taama kiatsigineranik uuttuineq Ittoqqortoormiiniinnaq uuttorneqanngilaq. Daneborgimi Danmarkshavnimilu aamma kiannerpaaffeqarpoq.
- Daneborgimi agguaqatigiissillugu kiassutsip 0 °C sinnerpaa, imalu sinnertigalugu + 1,5 °C-imiilluni. Daneborgimi agguaqatigiissillugu qaammammi tassani taama kiatsiginera uuttorneqanngisaannarsimavoq. DMI-p kiassuseq sumiiffimmi tassani nakkutigaa, nakkutiginninneralu 1958-imi aallartippoq. Tamarmi +2,8 °C-imik uuttorneqarluni nalinginnaasumik kiassuseq qaangerpaa, DMI allappoq.
Tunumi septembarip qaammataani kiannerpaaffiusunik uuttuinermut nalunaarsuiffik takujuk.
|
September |
|
||
|
Sumiiffik |
Agg. Kiass. °C |
Agg. Kiass. Naling. °C |
Nalingin. nikingass. °C |
|
Station Nord |
-5,7 |
-7,8 |
+2,1 |
|
Danmarkshavn |
-0,8 |
-3,6 |
+2,8 |
|
Daneborg |
+1,5 |
-1,3 |
+2,8 |
|
Ittoqqortoormiit |
+3,1 |
+1,1 |
+2,0 |
|
Aputiteeq |
+2,7 |
+1,0 |
+1,7 |
|
Tasillaq |
+5,2 |
+3,7 |
+1,5 |
|
Ikeramiursuk |
+4,2 |
+3,3 |
+0,9 |
|
Prins Christian Sund |
+6,2 |
+4,9 |
+1,3 |
|
Summit |
-20,5 |
-23,2 |
+2,7 |
