Silaannaq immap naqqanit salinneqarsinnaasorigaat

USA-mi Australiamilu ilisimatuut suliffissuaatillillu silaannaap allanngoriartornera iliuuseqarfiginiarlugu immamut naggorissaatinik annertoorujussuarmik kuijoraasalerusupput. Taamaalilluni quajaatit immallu naasui tallerujussuarpata silaannarmi CO2-p mingutitsinera immap naqqanut milugunneqarsinnaasorigamikku

Danmarkimi avatangiisit pillugit misissuivimmi Ilisimatusartut ittuata Bo Riemannip taamaaliornialersaarneq pitsaasorinngilaa, DR-imullu ima oqarpoq.

- Tamanna siusinnerusukkut misilinneqarnikuunngimmat kingunissaa qanoq issanersut nalunarpoq, Bo Riemann oqarpoq.

Taanna isumaqarpoq, isumassarsiaq tamanna atorsinnaassagaluartoq silaannaq kisiat pineqarnerusimasuugaluarpat, kiisalu USA-miut Australiamiullu taamatut eqqarsarnerat pinngortitamik aningaasanooruteqarniarnertut nalilerpaa, tassami taamaaliortoqaraluarpat immallu naasui naarujussuaraluarpata ungasinnerusumut eqqarsarluni qanoq kinguneqaratarsinnaanera takujuminaatsikkamiuk.