Ujaasineq ingerlaqqippoq: Silaannakkut ujaasiunnaarluta imaatigut ujaasivugut
Angut 61-inik ukiulik suli maqaasineqarpoq tallimanngormat Nanortalimmiit umiatsiaminik Pocamik qaqortumik tallimanngormat aallarmalli kujammut ingerlaarunarluni.
- Qulimiguulimmik ujaasinerput taamaatipparput. Sumiiffiit ujaasinermut pisariaqarsorisagut tamaasa qulaajaarfigereerpagut, Kalaallit Nunaanni Politiini pigaartut pisortaat Mark Larsen oqarpoq.
Issittumi Sakkutooqarfik ujaasinermik ingerlatsisuuvoq najukkamili angummik ujaasisunit aamma ikiorneqarluni.
Mark Larsen oqaluttuarpoq, angut 61-inik ukiulik sumut aamma ujarneqarsinnaanera pillugu paasissutissanik amerlanerusunik politiit amigaateqartut. Tamanna politiinit massakkut sulissutigineqarpoq inunnik apersueqqinnikkut.
Pigaartut pisortaata erseqqissaatigaa ujaasineq suli naammassineqanngitsoq:
- Ullumikkut timmeqqinnavianngilagut paasissutissanik nutaanik pissarsinngikkutta, kisianni imaatigut suli ujaasivugut, oqarpoq.
Ujaasineq qaqugu ujaasinerlu ilumut unitsinneqassanersoq Issittumi Sakkutooqarfimmit aalajangerneqartussaasoq politiit ilisimatitsipput.