Silaannakkut Narsarsuarmut angallassineq ingerlaqqilerpoq
Timmisartoq Kujataanukartussaagaluaq arfininngormat Kangerlussualiartinneqarpoq, silarlunneralu peqqutaalluni Narsarsuaq ippassaq aamma iluatsinngitsoorluni.
Taamaammat Air Greenlandip timmisartuutaanut ilaallutik Kujataanukartut suli kinguartooqqipput.
Nuissat pukkitsut erseqqarlunneralu pissutaallutik timmisartuussinerit iluatsinngitssorput.
Ilaasut arfininngormat Kangerlussualiartinneqarput, timmisartorsuarli Air Greenlandimit attartugaq, Kujataanukaassisussaagaluaq, silap ajornera pissutigalugu Kangerlussuarmut utiinnartariaqarluni.
Taamaammat Kangerlussuarmiit Narsarsuarmut immikkut pingasoriarluni ullumi timmisartuussisoqassasoq, Air Greenland ilisimatitsivoq.
Timmisartuussinngitsoornerit kinguneraat ilaasussat 110-t Danmarkiliartussat aqagu tungaanut Kujataaniikkallartariaqarnissaat.