Silaannakkut angallanneq tamarmiusoq Naalakkersuisut ineriartortinniarpaat
Siumumeersut, Demokraatineersut Inuit Ataqatigiinneersullu siunnersuutaannut siullermeerneqartussamut akissuteqaateqarluni angallannermut naalakkersuisoq Knud Kristiansen taama allappoq.
Nunatsinni silaannakkut angallannerup aaqqissugaanerata pitsanngorsaavigineqarnissaanut Naalakkersuisut qinigaaffimmi matumani siunnersuuteqarnissaat siunertarineqarpoq.
Qulimiguulinnut mittarfiit suluusalinnut mittarfinngortillugit annertusaasoqarnissaa, mittarfiillu allat nunap immikkoortuini mittarfinngortillugit annikillisaavigineqarnissaat isumaqatigalugu Knud Kristiansenip erseqqissaatigaa.
- Taamatut nunap immikkoortuini mittarfinnik ilusiliilluni ineriartortitsinermi timmisartut assigiinngitsut amerlanerusut
ikinnerusunik aningaasartuuteqarlutik akulikinnerusumillu
tikittarlutik sullissisinnaassapput, Knud Kristiansen taama allappoq.
Siunnersuut Naalakkersuisut silaannakkut angallannermik ataqatigiinnerusumik, piffissamut naleqqunnerusumik tatiginartumillu ineriartortitsinissamik siunnertaannut ilanngullugu sisamanngorpat siullermeerneqassaaq.
