Sila pissutaalluni nunatsinni silaannakkut angallanneq ajornartorsiuteqarfiusimavoq, inuillu 50-init amerlanerusut apuutiffissaminnut apuutinngitsoorput.
Air Greenlandimi timmisartuussinermut aqutsisoqarfimmeersoq Niels Frederiksen ima oqarpoq:
- Ilaasussat Tasiilaliartussat Upernaviliartussallu apissinngitsoorput, neriuppugullu Kullorsuaq aqagu iluatsikkumaarlugu, Uummannallu pigisaani Illorsuit Nuugaatsiarlu aamma ornissallugit, ilaasussalli sinneri 50-it missaanniittut apuutinngitsuussapput, Niels Frederiksen oqarpoq, nangillunilu:
- Assartuineq ataatsimut isigissagaanni ajunngitsumik ingerlagaluarpoq, silap ajornera pissutigalugu Uummannaliartussaq unitsiinnartariaqarsimavarput, Air Greenlandip timmisartuussinermut aqutsisoqarfianneersoq Niels Frederiksen oqarpoq.
