Silaannaap kissatsikkiartornera iluaqutissartaqarsorigaa
Nunarsuup kissakkiartornera nunatsinni takornariaqarnermut iluaqutaasinnaavoq. Taama isumaqarpoq, takornariaqarnermik qanimut ilisimatusartoq nunatsinnullu tunngasunik ilisimasalik; Lise Lyck, København-imi Handelshøjskole-meersoq.
Lise Lyck-ip oqarnera malillugu, Nunatsinni periarfissanik ammaassisoq qujaffigineqartariaqartorlu tassaavoq, siornatigut USA-mi vicepræsident-iusimasoq Al Gore . Taassuma film-i saqqummersitaa ateqarpoq ”Ilumoortoq iluaatsoq”. Tassalu filmi taanna takornarianik Nunatsinnut qammaasussaavoq.
- Ullumikkut nunarsuatsinni ornikkusutatsinnut sumulluunniit ingerlasinnaavugut.
Nunarsuatsinnimi alutornartumi aalajangersimaqqis-saartunik soqutiginartoqartuaannarpoq ornikkusunne-qartartunik, Lise Lyck oqarpoq.
Lise Lycki Nunatsinni periarfissat nutaat pillugit sapaatip akunnerata naanerani Air Greenland-imi siulersuisut ataatsimiinnerannut tunngatillu Ilulissani saqqummiivoq.
Lise Lyck-ip saqqummiussaa takornariat nunatsinnut ussagarnerulernissaannik siunertaqarpoq. Silaannaap kissakkiartornerata kingunerisai takornariat qanimut takusinnaaniassammatigik.
Filmimi eqqartorneqartut ilai Kalaallit Nunaannukarnikkut alakkarneqarsinnaasut Lise Lyckip oqaatigaa. USA-mimi kiisalu aamma Europa-mi silaannaap kissakkiartornerata kingunerisai takorusunneqartorujussuupput.
- Neriuutiginiartigu Kalaallit Nunaat silaannaap kissakkiartornera arlaatigut iluaqutigisinnaajumaaraa, Lise Lyck oqarpoq.