Silaannaap allanngoriartornera malunnartinneqarpoq
Nunarsuarput tamaat ataatsimut isigalugu, aqqusinertigut ingerlaaqatigiinnerit imaluunniit suliniuteqarnerit, 7347-it aaqqissuunneqarsimapput. Piumassutsiminnik suliaqartut orpinnik ikkussuisimapput, seqernup qinngornera atorlugu nukissiuutinik ikkussuisimallutik, eqqakkat immikkoortiterneqarsimallutik aammalu inuit ilaat biiliminnnut taarsiullugu sikkilinik ingerlasarsimallutik.
Nunarsuatta oqaluttuarisaanerani aatsaat taama annertutigisumik suliniuteqartoqartoq, aaqqissuisut imminnut 50.org-imik taasuat ilimagaat.
Amerikamiut præsidentiata Barack Obamap qanoq iliuuseqartoqartariaqarneranik takutitsiniarluni præsidentip illorsuanut seqernup kissaanik iluaqutilik nukissiuut ikkutsissimavaa.
Kalaallit Nunaanni qanoq iliuuseqartoqarnissaanik pilersaarusiortoqannginnguatsiartoq, Iqalunni aamma Islandimi aqqusinertigut ingerlaaqatigiittoqarsimavoq.
