Silaannaap allanngoriartornera maluginiarneqartuarpoq
Silaannaap kissakkiartornera nunatsinni assigiinngitsutigut maluginiarneqartuarpoq, sikuniaasaartalerpoq, ilaannilu sikunngitsuuittalerluni.
Aamma soorlu isserujussuassaariartortoq.
Silaannaap allanngoriartornera nunatsinnuinnaq tunngilaq, tassami kissakkiartorneq nunarsuarmi tamarmi malugineqarpoq. Sila ukiorpassuit ingerlaneranni allanngorartuartarsimavoq, silallu ingasannerpaaffii aamma nalunaarsorneqartarsimapput.
Danmarkimi silasiortut oqaluttuarput nunarsuup oqaluttuarisaanerani ilisimaneqartumi, silap kiannerpaaaffia Libyami, El Aziziami 1922-imi pisimasoq, taamanigooq sila 58-inik kiassimavoq.
Taava silap issinnerpaaffia Sikuiuitsumi Kujallermi 1983-imi nalunaarsorneqarsimavoq, taamani 89-inik ississimavorooq.
Anorersuit sakkortunersaat USA-mi New Hampshiremi 1934-mi pisimavoq, taamani anorersuarujussuaq timemut 371 kilometerinik sakkortussuseqarsimavoq.
Aamma sialussuarfiunerpaasimasoq pisimavoq Indiami 1861-imi. Ukioq taanna juulip qaammataani 930 centimeterinik siallersimavoq.
