Sila sisorarfissaqqik ACR-mi
Takisuumik oqilaniunnermi 160 kilometerisut isorartutigisumik unammeqataasut ullumikkut 46,9 kilometerisut isorartutigisumik ingerlaassapput, 100 kilometerisut isorartutigisumik unammisut 32,3 kilometerisut isorartutigisoq sisorarfigissavaat.
Sisorartut ingerlaarfissaat seqinnarippoq.
- Anorlernera malugineqarsinnaavoq akornutaassanngitsorli, Arctic Circle Race-mi aaqqissuisut tusagassiuutinut nalunaaruteqarlutik taama allapput.
- Sisoraartut ingerlaarfissaanni issisiut 15it missaanniippoq.
Arctic Circle Race-mi oqilaniuttut ippassaq ingerlaarneranni annertuumik ajoqusertoqanngilaq taamaattorli oqiliniunnermi peqataasut arfineq marluk taamaatipput assigiinngingitsutigut ajoquteqalernertik aamma atortutigut ajutoornertik pissutigalugu.
Sisoraatinik oqilaniunnerup immikkoortuani siullermi ajugaavoq OL-mi unammeqataasoq Martin Møller taannalu angutit oqilaniunneranni ajugaasussatut naatsorsuutigineqarpoq.
Arnani sukkanerpaavoq Niviaq Chemnitz Berthelsen - taanna aammaa oqilaniunnermi ajugaasussatut natsorsuutigineqarpoq . Taannali OL-imi guldinnattumit unammillerteqarpoq - tassalu Slovakiamiumit Anastasiay Kuzmina-mit. Anastaisya Kuzmina Arctic Circle Race-ip immikkoortuani siullermi normu 2nngorpoq.