Sila allanngorpat Kalaallit Nunaat namminersulissaaq

Silap allanngoriartornera nunarsuarmi sumiiffippassuarni ernumatitsivoq. Kalaallit Nunaannulli pisuunngortitsiumaartoq allaallu Kalaallit Nunaata namminersulivinnissaanut tunngavissiiumaartoq, New York Timesimi takkajaarsumarik ullumi allaaserineqarpoq. Sermersuup sikullu aakkiartornerat ilutigalugu pisuussutit uumaatsut amerliartortut iluaqutigineqarsinnaanngortussaapput. New York Timesimi allaaserisaq naapertorlugu silap allanngoriartornerata sakkortusiartornera peqatigalugu Kalaallit Nunaata aningaasarsiornera qaffakkiartortussaavoq namminersulivinnissaanut ammaassisumik. Aleqa Hammond, Aningaasaqarnermut Naalakkersuisoq New York Timesimi issuarneqarpoq oqartoq, Kalaallit Nunaata namminersulivikkusunnera ulloq manna tikillugu aningaasanik aporfeqarsimasoq. - Ulloq taanna aningaasanik tapiiffigisariaarukkutta kaanngassaagut, Aleqa Hammond New York Timesimut oqarsimanerarneqarpoq.