Sikupiluunersuaq napisimaqaaq
Qalasersuaq Kujallermi sikupiluunersuaq, Bornholmip angissusaanut nallersuunneqarsinnaasoq,Wilkinsip qaqqaaniit napisimaaqaaq.
Allattoq Louise M. Kleemann
Sikupiluunersuarlugooq taanna 41 kilometerinik takissuseqarpoq.Oqaatigineqarporlu siku taanna ukiut 1500-t sinnerlugit atasimassangatinneqartoq.
Sikupiluunersuup aserornera nunarsuarmi silap kiatsikkiartorneranik peqquteqartoq, issittoq pillugu ilisimatooq David Vaughan Tuluit Nunaanneersoq taama issuarneqarpoq.
Qalasersuarmi Kujallermi sikupiluunersuit taama annertutigisut aserortarnerat Ilisimatuut oqarnerat naapertorlugu qaqutigoorluinnartuuvoq. Wilkinsip qaqqaata, Jyllandip affaatut annertussuseqartup, tamarsuarmi nakkaasorsuanngoriataarnissaa maanna annilaanngatigineqalerpoq.