Sikumit mattussaaqqasut qulimiguulimmik aaneqartut
Piniartut sisamat qilalugarniat marlunnik umiatsiaqarlutik sapaatip akunnerata naanerani Qeqertarsuup avataani sikumit ingerlariaqqissinnaajunnaarsimapput.
Allattoq Louise M. Kleemann
Piniartut arfininngormat ullaap tungaani aallaramik unnukkut nalunaaqutaq qulingiluat eqqaanni sikumit ingerlariaqqissinnaajunnaarsimapput. Akunnerni arlalinni ingerlaqqinniaraluariarlutik, piniartut radiukkut ikiortissarsiormata, unnuakkut ataatsip eqqaani ikiortissarsiorneq politiit tusarpaat.
Piniartut angallammik unnuakkut orninneqaraluarput, angallatilli siku aamma artulermagu, qamuteralannillu ikiuiniaraluarneq aamma iluatsinngimmat, piniartut qiulerlutillu perlilertut sapaatiummat ullukkut nalunaaqutaq aqqarngup eqqaani qulimiguulimmik aaneqarput.
Piniartut umiatsiaat suli sikumiiittut oqaatigineqarpoq.