Sikuiuitsumi kujallermi isarukitsut 150.000-it perlerlutik toqorartut

Isarukitsut Commonwealth Bayimi Cape Denisonimiittut ukiualunnguit matuma siornatigut 160.000-it missaanniipput. Isarukitsut tamaaniittut ilisimatuunit Australiameersunit maanna misissorneqarsimapput, paasissutissaataallu aarlerinartortaqarsinnaapput.

Tassami Cape Denisonimi isarukitsut maanna 10.000-it missaannaanniilersimasut aviisip The Guardianip allaaseraa, ukiullu 20-t tulliit ingerlaneranni tammavissinnaanissaat ernummatigineqarluni.

Isarukitsut Commomwealth Bayimiittut 2010-mi eqqornerlugaapput, tassami iluliarujussuaq taamanikkut tassunga pivoq, ingerlariaqqissinnaajunnaarlunilu. Iluliarujussuaq assersuilerpoq, isarukitsut immamut avalassinnaajunnaarsillugit, taamalu nerisassarsiorsinnaajunnaarsillugit.

Iluliarujussuaq 2.900 kvadratkilometerisut angitigaaq, tassa Qeqertarsuup pingajorarterutaata missaa, allatulluunniit oqaatigalugu: Fynimit minnerulaaginnarluni.

/ritzau/