Sikuiuitsoq avannarliup immikkut illersorneqarnissaa EU-mi akuerineqanngilaq

EU kommissionip aalajangerneratigut issittup avannarliup Naalagaaffiit Peqatigiit Immat atorneqarnerat pillugu isumaqatigiissutaat aallaaviginiarpaa.

Issittup avannarliup nunat tamat isumaqatigiissutaanni immikkut ittumik illersorneqarnissaa EUmi inatsisartunit oktoberip qaammataannili ilungersuutigineqarsimavoq, soorlu aamma sikuiuitsoq kujalleq nunat tamat immikkut ittumik isumaqatigiissutaanni illersugaasoq.

Nunat tamat akornanni isumaqatigiissummi sikuiuitsoq kujalleq ilisimatuussutsikkut misissuiffittut atorneqartussatut ingerlaannassasoq isumaqatigiissutaavoq.

Sikuiuitsup kujalliup sakkutooqarfittut atorneqannginnissaa isumaqatigiissummi aalajangersagaavoq.

Sikuiuitsoq kujalleq pillugu isumaqatigiissummut assingusumik Sikuijuitsoq avannarleq pillugu isumaqatigiissusiorneqarnissaa EU Kommission-ip isumaqatiginngilaa.

Sikuiuitsoq kujalleq avannarlerlu assigiinngitsorujussupput. Silap pissusaata allangoraluttuinnarnera ilutigalugu nunat tamat imaatigut angallannikkut kattuffissuup isumaqatigiissusiaanut naleqqussarneqartussavoq, taamaattorli Naalagaaffiit Peqatigiit Immat atorneqarnerat pillugu isumaqatigiissut aalajangiisuussalluni.

EU kommissionip aalajangernera tapersersorlugu, norskit ministeriunerat Jens Stoltenberg, taamatut oqarpoq.

Jens Stoltenberg EU kommissionip præsidentianit Jose Manuel Barroso-mit tapersersorneqarpoq, taannalu annertunerusumik oqaaseqarusunngilaq, sapaatip akunnerata tulliani issittoq pillugu EU-imi oqallinnermi EU-p saqqummiussinissaa pissutigalugu.