Siku ikumasinnaasoq ilisimatuunit misilerarneqarpoq
Siornatigut misileraanerit nalunaaquttap akunnerini marluinnarni sivisussuseqartarput.
Gashydratit innaallagissap sarfaanik pilersuisinnaasut, misilittaanermi suleqataasoq, ilisimatooq Scott Dallimore oqarpoq.
Ilisimatuut ukiuni marlunni Ualerngup Tarajuani Canadap avannaannittuni Malliup eqqaani qilleripput.
- Tamanna siunissamut ajunngitsumik takussutissiivoq, tamanna qularutissaanngilaq, Ray Boswell Amerikamiut naalaakkersuisuisa gashydrat atorlugu nukissiuutinik atuilernissamut aqutsisua oqarpoq.
Taanna isumaqarpoq gashydrat atorlugu illut kiassarneqarsinnaalerumaartut angallatillu orsussaannut atugassanik pilersuilerumaartoq.
Gashydrat annertooq immat naqqanni nunanilu issittuni nassaassaavoq.
Gashydrat nunap qaanut qaffatinneqarneratigut silaannaq ikuallassinnaasoq, metan, aniatinneqartarpoq.
Gashydrat uuliamit aamarsuarnillu minguinneruvoq ikummatissanullu allanut sanilliullugu nukissiuutinik imaqanerulluni.
Canadap sineriaata annersaa gashydratinik annertuunik peqarsorineqarpoq, ilimagineqarpoq Canadami ukiuni untritilinni tulliuttuni nukissiuutitigut pisariaqartitat gashydratinit pilersorneqarsinnaasoq.
