Siku Extreme Arctic Challenge sipaarniarfigaat
Sipaarfiusussatut siunnersuutit misissoreerlugit pingasut borgmesteri Vittus Mikaelsenip sipaarfigisariaqanngitsutut taarusutaasa ilaat marluk sipaarfiussanngillat, ukuusut:
Siulleq: Angutit nuna tamakkerlugu isikkamik arsaannermi pissartanngorniunnissamut Qaqortumi aggutsimi pisussanut 200.000 koruunit.
Sipaarfiussanngitsut aapparaat: Meeqqat atuarfianni 7. klasset Danmarkimut illoqarfittut ikinngutigisamut Gentoftemut aggustimit oktobarip naaneranut atuariartortarnerat, 265.000 koruuninik naleqartoq.
Aasakkut unammersuartarnerit sakkortunersaat Tasiilami eqqaanilu ingerlanneqartartoq ATC (Immakkut nunakkullu sukkaniunneq SEAC-imik maanna naalisarneqartartoq) ukiormanna pissanngitsoq aaqqissuisut aalajangiusimammassuk aningaasat kommunemit tapiissutaasartut ukiumut 150.000 koruunit ukiormanna sipaarneqassapput.
Aningaasat suminngaanniit tiguneqassanersoq paasiniaraluaratsigu maannamut oqaaseqartitsisinnaasimanngilagut.