Sikorsuit annassiniarnernut peqqutaapput
Politiit Kujataani immikkoortortaannit mianersoqqussuteqarput, tassa Kujataani sikorsuaqarpallaarnera pissutigalugu, immakkut angalaniartut politiinit mianersoqquneqarput. Qanittukkut annaassiniarnernut akuutinneqarsimapput, ilaatigut ilaqutariit mikisunik meerartallit, sikorsuarnit nikeriarsinnaajunnaarsimasut, qulimiguulimmik annaanniartariaqarsimammata.
Allattoq Elisa Isaksen
juunip 10-at 2011 16:15
Sikorsuit eqimasorujussuummata Nanortallip Qaqortullu akornanni aamma nunaqarfinnut immakkut angalaniarneq ajornakusooqaaq isumannaatsuunanilu.
Politiineersoq Erik Lynge Rasmussen ilisimatitsivoq, sapaatip akunnerani kingullermi marloriarlutik annaassiniarnernut akuutinneqarsimallutik, ilaatigut ilaqutariit mikisunik meerartallit, sikorsuarnit nikeriarsinnaajunnaarsimasut, qulimiguulimmik annaanniartariaqarsimammata.
Taamaattumik Kujataani immakkut angalaniartut sikorsuarnut eqimaqisunut angalanialinnginnerminni eqqarsarluaqqaarnissaat politiit kajumissaarutigaat.
