SIK: Uuliasiulernissatsinnut upalungaarsimanerusariaqarpugut

Mexicop imartaani uuliamik maqisoornerup kingorna, uuliap annertuupilussuup imaannarmut maqinerata kingorna, aammalu avatangiisinik mingutsitsinerata kingorna SIK-p siulittaasua upalungaarsimaqqusivoq.

- Naalakkersuisut isiginnaaginnartutut pissuseqassappata, upalungaarsimanissamillu eqqartuinngippata, imartatsinni uuliamik qalluisoqarnissaa sakkortunerpaamik akerlilerniarpara, Jess G. Berthelsen oqarpoq.

Jess G. Berthelsenip neriuutigaa nunami upalungaarsimanissaq siulliullugu aaqqinneqartariaqartoq - aammalu oqarluni assuarnartoqartillugu, Angallannermut Attaveqarnermullu Naalakkersuisup, Jens B. Frederiksenip Inatsisartut oqaluttarfiannit oqaatigimmagu, kommunit atortunut minnerpaamilluunniit piumasaqarfigineqarsinnaanngitsut.

Jess G. Berthelsen kisimi isumanerlunngilaq. Kalaallit Nunaata uuliamik qalluinissamik pilersaarnera, sapaatip akunnerani kingullermi Canadami Naalakkersuisunit eqqartorneqarpoq, uuliap avatangiisinut mingutsitsinerata kinguneri qulequtarineqarluni