Sulinermik Inuussutissarsiutillit Kattuffiat SIK ukiunik 50-iliisoq ullumi Qaqortumi nalliuttorsiutigineqarpoq. Aaqqissuusinerit pingasunngormat aallartipput, ilaatigut immikkut qaaqqusat Sverigimeersut ,Islandimersut aammalu LO-p siulittaasua, Hans Jensen Uunartumi aallaarsimaartineqarlutik.
Ullaaq seqinnarissuaq erfalasulertoqareermat katinngatilisaarluni oqaluffimmut ingerlaaqatigiittoqarpoq, tassani nalliuttorsiorneq aallarnerlugu naalagiaqatigiinneq ingerlanneqarmat.
Ualimut Sulisartut højskoliata silataani Qaqortormiut kaffillerfigineqarput. kiisalu SIK, immikkullu qaaqusat isikkamik arsarlutik unammissallutik.
Unnugu arfineq-marlunut qiteqquppat nalliuttorsiortut Qaqortup timersortarfiani nerersuaqatigiissapput.