SIK: Suliffissat inissallu qinersinermi pingaarnerpaapput
- Inatsisartut maannakkut ataatsimiinnissaraluat eqqarsaatigalugu qaammatit marluk qineqqusaarnerujussuat tusarnaartussaagaluarparput, tamannalu qinersisartunut qasunarsimassagaluaqaaq. Aamma aappaagumut aningaasanut inatsisissaq eqqarsaatigalugu, isumaqarpunga qinersinissaq torrallataasoq, Jess G. Berthelsen oqarpoq.
Sulisartut isaanniit isigalugu qinersiviup tulliani naammassineqartariaqartorpassuaqartoq, SIK-p siulittasua isumaqarpoq, ullumikkulli marluk pingaarnerutillugit taavai, tassalu suliffissaqarniarneq inissaqarniarnerlu:
- Nunatsinni maannakkut 1600-it misasaannik suliffissaaleqisoqarpoq, sumiiffiillu ilaanni sulisussanik amingaateqartoqarluni. Suliffissaaleqiffiusuni suliffinnik pilersitsisoqarsinaanngippat, nuttarnerulersitsiniarluni tapiissutissatut aningaasaliissutit amerlineqartariarput, sulisartut taamaalillutik sulisussaaleqiffiusunut suliartorsinnaaniassammata, Jess G. Berthelsen ima oqarpoq.
- Kisianni aamma eqqaamasariaqarparput inissaaleqineq massakkut annertoqimmat. Toqqissisimasumik inuuneqassagaanni meeqqallu ineriartussappata, inissaqarneq pingartorujussuuvoq. Inissallu sumiiffiit ilaanni amingaataaqaat, SIK-p siulittaasua Jess G. Berthelsen oqarpoq.