SIK-p siulittaasuata Hans Enoksen ataatsimeeqatigerusuppaa
Alcoamut atatillugu sulisussanik avataanit tikisitsisinnaaneq ajornannginnerulersinniarlulu naalakkersuisut pilersaaruteqarnerat, SIK-p siulittaasuata, Jess G. Berthelsenip akuerisinnaanngilaa.
Allattoq Louise M. Kleemann
SIK-p siulittaasuata naalakkersuisut siulittaasuat ataatsimeeqatigerusuppaa.
- Alcoami sulisassat aallartippata pisariaqanngitsumik avataaninngaannit tikisitsinissaq pingaaruteqarluinnaqqissaarpoq nakkutigilluinnaqqissaartariaqarlunilu, Jess G. Berthelsen isumaqarpoq.
Avataaninngaannit tikisitsinissaq ajornanngippallaalissappat
ilinniartoqarnissap soqutigineerunnissaa Jess G. Berthelsenip ernumagaa.
- Taamaattumik naalakkersuisunut inassutigerusuppara avataaninngaannit tikisitsisarneq ajornannginnerulerseqqunagu, Jess G. Berthelsen oqarpoq.