SIK-p ilaqutariit 559-it 2020-mi feeriassutissarsisikkai
SIK-p Sulinngiffeqarluni Angalanermut Aningaasaateqarfia ilaqutariinnut 559-inut allakkanik
nassiussuileruttorpoq taakkununnga nalunaarutiginiarlugu 2020-mi feeriarlutik
nunatsinni Danmarkimulluunniit angalanissaminnut makitaasimasut.
Sulinngiffeqarluni angalasussatut makitaasut nunatsinni Danmarkimulluunniit angalasinnaapput.
Allattoq Thomas Munk Veirum
oktobarip 16-at 2019 11:04
Nutserisoq Bikki P. Kleist
Sulinngiffeqarluni angalanissamut qinnuteqarneq soqutigineqarluarsimavoq, qinnuteqartunimi 3000-nit amerlanerusut makitsinermi peqataanissamut akuerisaasimasut SIK-p tusagassiutinut nalunaarutigaa.
SIK-p Sulinngiffeqarluni Angalanermut Aningaasaateqarfiata siulersuisui aalajangerput 12 milliuunit koruunit 2020-mi sulinngiffeqarluni angalanernut atorneqassasut, taakkulu 2019-imi atorneqartunit 2 milliuunit koruuninik amerlanerupput.
Sulinngiffeqarluni angalasussatut makitaasut nunatsinni Danmarkimulluunniit angalasinnaapput.
Makitsineq sulisut sinniisaat pingasut eqqartuussisorlu Pia Hjort Andersen najuuttoralugit pivoq.
